EXCUTIENDI Vestes gremiumque ritus Hebraeorum cum indignabundi significare

EXCUTIENDI Vestes gremiumque ritus Hebraeorum cum indignabundi significare

et ominari imprecarique vellent,aliquem a Deo suis bonis excussum iri indigitatur Esrae c. 5. v. 13. Vide infra Vestis.

Sed et excutere, idem quod scrutari est ac praetentare, Gr. ἐξερεινᾷν, ἐκσείειν καὶ ἐκτινάσσειν. Certe vix olim colloquium ullum institutum, sine excussione, ne quis sicam aliudve telum occulto abditum loco stringeret. Vide Suet. Claud. c. 35. et C. Nepotem Datame c. ult. Fiebat autem ea per delectos utriusque partis, Α᾿γγέλους Polyaeno dictos, quos non solum vestes pertrectasse, sed penitus detraxisse nonnumquam, docet is in Iphicrate, l. 3. Comm. 40. et l. 7. in Mithridate, Comm. 1. quo posteriore loco, Α῎μφω δή τότε, inquit, συνηλθέτη γυμνὼ διαλεξαμένω περὶ ὧν χρή. Nequeve vero in publicis solum negotiis, et inter publicas personas id factum. Namqueve ex perpetuo metu Alex. Phereus, non prius se lecto uxoris

Thisbes committebat, quam a stipatoribus diligenter esset excussus. Dionys. quoque Sen. nec Aristomaches Syracus. nec Chloridis Locrensis, uxorum, nisi excussarum, amplexum petiit, Val. Max. l. 9. c. 3. Et Paedagogum Sarpedonem alumnum suum Catonem ad Sullam numquam, nisi excussum, duxisse, refert dem l. 3. c. 1. et 2. Vide quoque infra Scrutator.